Með nýútgefna plötu í farteskinu og sem nýr brekkusöngvari Þjóðhátíðar í Vestmannaeyjum vill Ágúst nýta tækifærið og halda sérstakan menningardag í bæjarfélögum víðs vegar um landið ásamt hljómsveit sinni.
Yfir daginn mun Ágúst heimsækja nokkra vel valda staði á Vopnafirði með gítarinn sinn og klukkan 18:00 verða fjölskyldutónleikar í félagsheimilinu. Aðgangur er ókeypis í boði Brims og Vopnafjarðarhrepps.
Tónleikarnir standa í um 60 mínútur og henta því öllum aldurshópum. Á dagskránni verður blanda af eigin lögum Ágústs ásamt vinsælum barna- og brekkusöngslögum þar sem gestum gefst tækifæri til að syngja með.
