Sveitarstjórn Vopnafjarðarhrepps auglýsir hér með opið hús þar sem íbúar geta kynnt sér drög að breytingu á deiliskipulagi fyrir miðhluta hafnarsvæðis á Vopnafirði, skv. ákv. gr. 4.6.1 í skipulagsreglugerð.
Skipulagstillagan er kynnt á vinnslustigi í samræmi við 4.mgr. 40 gr. skipulagslaga nr. 123/2010.
Brim hf., eigandi fiskvinnslunnar á Vopnafirði, hefur í hyggju að reisa nýja og stærri uppsjávarvinnslu á hafnarbakka Vopnafjarðarhafnar. Ekki er gert ráð fyrir þeirri uppbyggingu í núgildandi deiliskipulagi hafnarsvæðisins. Stækkunin er háð lengingu á löndunarbryggjunni og landfyllingu en gert er ráð fyrir þeirri stækkun í deiliskipulaginu.
Gildandi deiliskipulag hafnar- og miðsvæðis á Vopnafirði er staðfest 17. janúar 2020.
Tillagan verður kynnt á opnum fundi í Miklagarði á Vopnafirði, þriðjudaginn 6. júlí n.k. kl. 16:00.
Almenningi verður gefinn kostur á að koma með ábendingar á kynningunni og/eða senda inn ábendingar til skipulags- og byggingarfulltrúa Vopnafjarðarhrepps Hafnargötu 28, 710 Seyðisfirði eða á netfangið sigurdur.jonsson@efla.is til og með 20. júlí 2021.
Hægt er að nálgast drög að breytingartillögu á skrifstofu Vopnafjarðarhrepps að Hamrahlíð 15, Vopnafirði.
Hver sá, sem eigi gerir athugasemdir við tillöguna fyrir tilskilinn frest, telst samþykkur henni.