Athugið að umsóknarfresturinn á þessu starfi er liðinn
Yfirmaður eignasjóðs og þjónustumiðstöðvar
Umsóknarfrestur
26. apríl 2024
Auglýsandi
Vopnafjarðarhreppur
Leitum að metnaðarfullum einstaklingi í starf yfirmanns eignasjóðs og þjónustumiðstöðvar Vopnafjarðarhrepps. Starfið felst m.a. í að tryggja að þjónusta við stofnanir og íbúa sveitarfélagsins sé veitt á faglegan og skilvirkan máta. Að hafa umsjón með eignum sveitarfélagsins, eignasjóði, gatnakerfi, götulýsingu & vatnsveitu og fara með yfirumsjón með fyrirkomulagi sorp- og úrgangsmála í sveitarfélaginu sem og vinnuskóla sveitarfélagsins.
- Daglegur rekstur þjónustumiðstöðvar, stafsmannahald, skipulagning verkefna og verkstjórn.
- Umsjón og eftirlit með verklegum framkvæmdum eignasjóðs, nýframkvæmdum sem og viðhaldi á þeim sviðum sem undir hann heyra í samvinnu við sveitarstjóra.
- Eftirlit með fasteignum sveitarfélagsins, þ.m.t. félagslegu húsnæði í samráði við forstöðumenn stofnana og umsjónarmenn fasteigna.
- Umsjón og ábyrgð á öllum tæknibúnaði sem tilheyrir þjónustumiðstöð sveitarfélagsins.
- Umsjón með lóðum og lendum sveitarfélagsins.
- Ábyrgð á viðhaldsverkefnum eigna sveitarfélagsins
- Skipulagning og umsjón með snjómokstri.
- Ábyrgð á öryggismálum sveitarfélagsins ásamt sveitarstjóra.
- Skipulag á starfsemi hafnarinnar og umsjón með daglegri starfsemi og verkefnum hafnarvarða.
- Situr fundi umhverfis- og framkvæmdaráðs.
- Skipulagning vinnuskóla.
- Menntun og reynsla sem nýtist í starfi.
- Mjög góð hæfni í mannlegum samskiptum.
- Þekking á rekstri er kostur.
- Stjórnunarreynsla er kostur sem og hæfni til að leiðbeina öðrum.
- Góð þekking á verklegum framkvæmdum er æskileg.
- Góð tölvufærni m.a. Outlook, Word og Excel er mikilvæg.
- Rík þjónustulund og jákvætt hugarfar.
- Skipulagshæfni, metnaður og vandvirkni.
- Stundvísi og reglusemi.
- Umsækjandi skal hafa hreint sakavottorð og má ekki hafa hlotið refsidóm fyrir brot gegn ákvæðum XXII. kafla, 211. gr. eða 218. gr. almennra hegningarlaga nr. 19/1940.
Um fullt starf er að ræða og heyrir yfirmaður eignasjóðs og þjónustumiðstöðvar beint undir sveitarstjóra.
Sótt er um starfið á alfred.is hér.
Umsókn skal fylgja starfsferilskrá og kynningarbréf þar sem gerð er grein fyrir hæfni til að gegna starfinu.
Óskað er eftir að starfsmaður geti hafið störf sem fyrst.
Laun eru greidd samkvæmt kjarasamningi sveitarfélaga og viðkomandi stéttarfélags.
Umsóknarfrestur er til og með 26. apríl n.k.
Við hvetjum áhugasama, óháð kyni, að sækja um starfið.
Fannstu það sem þú varst að leita að?
JáNei