Umsóknarfrestur
11. apríl 2024
11. apríl 2024
Vopnafjarðarhreppur
Vopnafjarðarhreppur auglýsir stöðu framkvæmdastjóra Vopnaskaks 2024 lausa til umsóknar.
Hátíðin verður haldin um og fyrir helgina 12.—14. júlí.
Hlutverk framkvæmdastjóra er m.a. að skipuleggja og stýra hátíðinni og vinna að fjármögnun hennar, í samvinnu við menningar- og atvinnumálanefnd Vopnafjarðarhrepps. Þarf viðkomandi að geta sinnt því af og til á vorönn 2024 og í fullu starfi í júní og hálfan júlí allt þar til uppgjöri og frágangi eftir hátíðina er lokið.
Möguleiki á meiri vinnu eftir nánara samkomulagi.
Framkvæmdastjóri Vopnaskaks þarf að vera hugmyndaríkur, útsjónar- samur, hafa brennandi áhuga á að gera veg hátíðarinnar sem mestan. Hann þarf að eiga auðvelt með að vinna með fólki. Æskilegt er að umsækjandi hafi reynslu af stjórnun viðburða.
Umsóknarfrestur er til og með 11. apríl 2024.
Umsóknum skal skilað á skrifstofu Vopnafjarðarhrepps, Hamrahlíð 15, 690 Vopnafirði eða á netfangið skrifstofa@vopnafjardarhreppur.is.
Öll kyn eru hvött til að sækja um starfið.