Hverjir koma að samþætt­ingu farsældar barna?

Tengi­liður farsældar er starfs­maður úr nær- eða grunn­þjón­ustu barn og fjöl­skyldu þess og styður við samþætt­ingu fyrsta stigs þjón­ustu í þágu farsældar barns. Hann veitir fjöl­skyld­unni upplýs­ingar um þjón­ustu, tryggir aðgang að frummati, styður við samþætt­ingu þjón­ustu allra þjón­ustu­veit­enda og fylgir málum eftir á 2. og 3. stig ef þörf er á.

• Frá meðgöngu og þar til barn hefur nám í leik- eða grunn­skóla er tengi­liður starfs­maður heilsu­gæslu­stöðvar.
• Í leik- grunn og fram­halds­skóla eru tengi­liðir skólans þar sem barn er við nám
• Ef barn fellur ekki undir ofan­greinda þjón­ustu er hægt að leita til tengi­liðar félags­þjón­ustu Múla­þings.

Ef sótt hefur verið um fyrir barn í samþætt­ingu þjón­ustu og ástæða er til 2. eða 3. stigs þjón­ustu, er málstjóri frá félags­þjón­ust­unni tilnefndur. Félags­þjón­usta Múla­þings annast félags­þjón­ustu á Vopna­firði í samstarfi við Vopna­fjarð­ar­hrepp.

Málstjóri farsældar er starfs­maður sem starfar við félags­þjón­ustu Múla­þings. Málstjóri styður við fjöl­skyldur og stýrir stuðn­ingsteymi í 2. og 3. stigs þjón­ustu í þágu farsældar barna.

Hlut­verk málstjóra farsældar er að:

• Veita ráðgjöf og upplýs­ingar um þjón­ustu í þágu farsældar barns.
• Aðstoða við að tryggja aðgang að mati og/eða grein­ingu á þörfum barns.
• Bera ábyrgð á gerð stuðn­ings­áætl­unar og að stýra stuðn­ingsteymi.
• Fylgja því eftir að þjón­usta sé veitt í samræmi við stuðn­ings­áætlun.
• Veita þeim sem sitja í stuðn­ingsteymi ráðgjöf og upplýs­ingar um samþætt­ingu þjón­ustu barns.

Sjá nánar um stiga­skipt­ingu þjón­ustu hér.

Stuðn­ingsteymi er vett­vangur þar sem þjón­ustu­veit­endur og eftir atvikum þeir sem veita tilteknu barni almenna þjón­ustu eiga samstarf um samþætt­ingu þjón­ust­unnar. Stuðn­ingsteymi gerir stuðn­ings­áætlun og fylgir henni eftir.

Einstak­lings­bundin áætlun um samþætta þjón­ustu í þágu farsældar barns sem unnið er eftir.