Fjár­hags­áætlun 2026

Tillaga að fjár­hags­áætlun ársins 2026, ásamt þriggja ára áætlun fyrir árin 2027 – 2029, er hér lögð fram til seinni umræðu í sveit­ar­stjórn Vopna­fjarð­ar­hrepps. Að venju saman­stendur tillagan af tölu­legri umfjöllun, annars vegar A – hluta sveit­ar­sjóðs og hins vegar A og B hluta.    Í A – hluta er aðalsjóður og eigna­sjóðir, en í B-hluta eru veitu­stofn­anir auk hafn­ar­sjóðs, félags­legra íbúða, leigu­íbúða aldr­aðra og lyfsölu. Líkt og undan­farin ár er áætl­unin sett fram sameinuð í eina fjár­hags­áætlun fyrir komandi ár auk fram­reikn­aðrar áætl­unar til næstu þriggja ára eins og lög gera ráð fyrir.

Þá er að finna í henni frekari ítar­upp­lýs­ingar um rekstur Vopna­fjarð­ar­hrepps.

Fjár­hags­áætlun nú var unnin í samvinnu við KPMG. Ýmsar ytri aðstæður og óvissa hafa áhrif á fjár­hags­áætl­unina s.s., loðnu­vertíð 2026, staða annara uppsjáv­ar­teg­unda og kjara­breyt­ingar.

Á árinu 2026 verður haldið áfram að niður­greiða æsku­lýðs- og tómstund­astarf barna með frístunda­styrk að upphæð 40 þúsund krónur sem verður í boði fyrir öll börn á aldr­inum 3-18. Þetta fellur vel að samn­ingi um Heilsu­efl­andi samfélag, sem nú er unnið að, og er það von okkar að þetta verði til að styrkja enn frekar þátt­töku barna og ungmenna í íþrótta- og tómstund­a­starfi um leið og það eflir félögin sjálf og styðji við aðrar aðgerðir á þessu sviði.

Við gerð fjár­hags­áætl­unar 2026 munu gjald­skrár almennt hækka um 3,5%, og er þar tekið tillit til verð­lags­breyt­inga, gerð kjara­samn­inga á yfir­stand­andi ári, og spá hagstofu um þróun mála. Gerð er undan­tekning með einstaka liði gjald­skrár, s.s., leik­skóla­gjöld, sem ekki munu hækka.

Hjálögð tillaga fjár­hags­áætl­unar fyrir árið 2026 ásamt 3ja ára áætlun fyrir 2027-2029 er lögð fram til seinni umræðu í sveit­ar­stjórn Vopna­fjarð­ar­hrepps á fundi þann 11. desember 2025.

Sú fjár­hags­áætlun sem hér er lögð fram, er unnin með hlið­sjón af fjár­mála­reglum og fjár­hags­legum viðmiðum sveit­ar­fé­laga, og samkvæmt sveit­ar­stjórn­ar­lögum nr. 138/2011.

Vinna við gerð fjár­hags­áætl­unar hófst í haust og fór meiri­hluti vinn­unnar fram í október og nóvember. Áætl­unin var að mestu unnin af hrepps­ráði, ásamt sveit­ar­stjóra, verk­efna­stjóra stjorn­sýslu og starf­andi fjár­mála­stjóra KPMG.

Fundað var sérstak­lega með deild­ar­stjórum stærri deilda en allar deildir heim­sóttar og haldnir sérstakir vinnufundir á milli fastra funda hrepps­ráðs.

Á nýju ári þarf að halda áfram umræðu og vinnu við að  og móta fram­tíð­arsýn sveit­ar­fé­lagsins.

Fyrir hönd Vopna­fjarð­ar­hrepps,

Lykil­tölur:

Í fjár­hags­áætlun 2026 eru áætl­aðar heild­ar­tekjur 1.612 m.kr. Veltufé frá rekstri er áætlað 199 m.kr. Hand­bært fé í árslok er áætlað 115 m.kr.  Eigið fé er áætlað neikvætt um 250 m.kr. í A hluta en jákvætt um 950 m.kr. í samstæðu í árslok 2026. Gjald­skrár hækka almennt 3,5%

Útsvar:

Útsvars­hlut­fall breytist ekki á milli ára og eru heim­ildir áfram full­nýttar til að standa undir rekstri og afborg­unum lána í A hluta. Álagn­ingar­pró­senta útsvars á árinu 2026 verður því 14.97 %. Tillagan þessi er í samræmi við 24.gr. laga um tekju­stofna sveit­ar­fé­laga nr. 4/1995.

Fast­eigna­gjöld

Tíma­bundið álag sem sett var á 2022 helst áfram óbreytt á fast­eigna­skatt á íbúð­ar­hús­næði og bújarðir árið 2026 og verður það 0,625% af heild­arfa­st­eigna­mati.

Fast­eigna­skattur A á íbúð­ar­hús­næði og bújarðir verður 0,625% af heild­arfa­st­eigna­mati.

• Fast­eigna­skattur B á sjúkra­stofn­anir, skóla, heima­vistir, leik­skóla, íþróttahús og bóka­söfn verður 1,32% af heild­arfa­st­eigna­mati.
• Fast­eigna­skattur C á atvinnu­hús­næði og annað húsnæði er 1,65% af heild­arfa­st­eigna­mati.
• Lóða­leiga er 2% af lóðar­hluta­mati.
• Fráveitu­gjald 0,32% af heild­arfa­st­eigna­mati.
• Vatns­gjald er 0,3% af fast­eigna­mati húss.

Sorp­hirðu­gjald er innheimt skv. lögum nr. 81/1988.

Á árinu 2026 verður gjaldið 51.339 kr. sem skiptist í sorp­hirðu­gjald 27.550 kr og sorpeyð­ing­ar­gjald 23.789 kr.   Athuga:  Mála­flokkur í endur­skoðun samkv. lögum.

Jöfn­un­ar­sjóður:

Áætl­aðar tekjur sveit­ar­fé­lagsins frá Jöfn­un­ar­sjóði hækka á milli ára, um 17%,  úr 361 millj. kr. í 423 millj. kr.

Laun og launa­tengd gjöld:

Launa­áætlun byggist á gild­andi kjara­samn­ingum, fjölda stöðu­gilda og fjölda yfir­vinnu­tíma. Vonast er eftir að meira stöðu­leika í launaum­hverfinu, eftir að Sundabúð fór út á árinu 2024 og síðan náðist að klára lang­tíma kjara­samn­inga á vinnu­markaði á árinu 2025.

Annar rekstr­ar­kostn­aður:

Annar rekstr­ar­kostn­aður án afskrifta nemur um 520 millj. kr. á árinu 2026 í samstæðu A og B hluta. Þar af 438 millj. kr. hjá A hluta.

Helstu frávik eða nýmæli (ný verk­efni) frá hefð­bundnum rekstr­ar­kostnaði eru:

• Mikil vinna við endur­skoðun á aðal­skipu­lagi til 2040 er nú komin til kynn­ingar og ætti að verða tilbúið til stað­fest­ingar snemma árs 2026.
• Deili­skipulag Holta­hverfis og Skála­nes­hverfis er lokið og breyt­ingar á deili­skipu­lagi vegna íbúða við Sundabúð er í loka­vinnslu.
• Breyt­ingar á aðal­skipu­lagi vegna veiði­húss í landi Einars­staða og nýtt deili­skipulag.
• Skoða þarf og undirbúa vel mögu­legt fram­hald á borverk­efnum vegna jarð­hita­leitar, á móti veittum fram­halds­skyrk, og einnig að styrkja fæðingu og umgjörð vatns­veitu.

Fjár­magnsliðir:

Í forsendum fjár­hags­áætl­unar er verð­bólga áætluð samkvæmt þjóð­hagsspá í nóvember eða 3,5 % á árinu 2026 og fari lækk­andi. Greiddir vextir miðast við þá lána­samn­inga sem þegar hafa verið gerðir. Ekki er gert ráð fyrir breyt­ingum á gengi íslensku krón­unnar á tíma­bilinu.

Lykil­tölur samstæðu A og B hluta

Efna­hagur Vopna­fjarð­ar­hrepps er þegar á heildina litið nokkuð heil­brigður en huga þarf að þeim ábend­ingum sem fram hafa komið varð­andi A hluta sveit­ar­fé­lagsins og bregðast við. Rekst­arnið­ur­staða í A- og B- hluta er áætluð um 73 Mkr árið 2026 og einnig verður jákvæð niður­staða næstu ár á eftir.

Fram­kvæmdir og fjár­fest­ingar ársins

Fjár­fest­ingar ársins 2026 eru áætl­aðar 223,5 millj.kr.

Æsku­lýðs- og íþrótta­málum verða lagðar til 52,5 millj.kr og þar verður farið í endur­gera þjón­ustuhús við Selár­laug, sem hefur verið frestað vegna annar verk­efna og loðnu­brests.

Fræðslumál eru lagðar til 12 millj.kr sem fara klára 1- 2 í nýrri skólalóð grunn­skóla ásamt bættri göngu­leið að tómstund. Einnig viðhald við að þétta turn á viðbygg­ingu grunn­skólans.

Samgöngur: Áfram verður hugað að gang­stéttum og einnig endur­nýjun á bruna­hana, 1 á ári.  Þá verður haldið áfram að bæta göngu­stíga og skipta út ljósum yfir í LED í götu­lýs­ing­unni.

Sundabúð: Það verða settar 17 millj.kr í endur­bætur íbúða og áfram­hald­andi skoðun vatns­lagna í Sundabúð. Fjölgað verður hjón­a­í­búðum, með samein­ingu tveggja minni íbúða.

Höfnin:  Settar eru 130 millj. kr í leng­ingu hafn­arkants en sú fram­kvæmd er kostuð að hluta til af sveit­ar­fé­laginu og að hluta til af Vega­gerð­inni og skiptist kostn­að­urinn 40/60 og dreifist á þrjú til fjögur ár. Gert er ráð fyrir að 130 millj. kr falli á árið ’26 og allt að 100 millj. kr 2027.