Fjárhagsáætlun 2024–2027#fjarhagsaaetlun-2024-2027
Tillaga að fjárhagsáætlun ársins 2024, ásamt þriggja ára áætlun fyrir árin 2025 – 2027, er hér lögð fram til seinni umræðu í sveitarstjórn Vopnafjarðarhrepps. Að venju samanstendur tillagan af tölulegri umfjöllun um annars vegar A-hluta sveitarsjóðs og hins vegar A- og B-hluta, ásamt greinargerð. Í A-hluta er aðalsjóður og eignasjóðir, en í B-hluta eru veitustofnanir auk hafnarsjóðs, félagslegra íbúða, leiguíbúða aldraðra, Lyfsölu og Sundabúðar. Líkt og undanfarin ár er áætlunin sett fram sameinuð í eina fjárhagsáætlun fyrir komandi ár auk næstu þriggja ára. Þá er að finna í henni frekari ítarupplýsingar um rekstur Vopnafjarðarhrepps.
Líkt og undanfarin ár hefur rekstur sveitarfélagsins verið rýndur vel og reynt að greina hvert hann stefnir og hvar hægt er að gera betur. Breytingar á kjarasamningum hafa á undanförnum misserum hækkað launakostnað umtalsvert m.a. annars með styttingu vinnuvikunnar.
Á árinu 2024 verður haldið áfram að niðurgreiða æskulýðs- og tómstundastarf barna með frístundastyrk sem hækkar úr 20 þúsund krónum í 40 þúsund krónur og verður í boði fyrir öll börn á aldrinum 3-18 ára. Er það von okkar að þetta verði til að styrkja enn meira þátttöku barna og ungmenna í íþrótta- og tómstundastarfi um leið og það eflir félögin sjálf.
Við gerð fjárhagsáætlunar 2024 munu flestar gjaldskrár hækka í takt við verðlagsbreytingar eða um 4,9%.
Hjálögð tillaga fjárhagsáætlunar fyrir árið 2024 ásamt 3ja ára áætlun fyrir 2025-2027 lögð fram til seinni umræðu í sveitarstjórn Vopnafjarðarhrepps á fundi þann 14. desember 2023. Sú fjárhagsáætlun sem hér er lögð fram, er unnin með hliðsjón af fjármálareglum og fjárhagslegum viðmiðum sveitarfélaga, samkvæmt sveitarstjórnarlögum nr. 138/2011.
Vinna við gerð fjárhagsáætlunar hófst í haust og fór meirihluti vinnunnar fram í október og nóvember. Átælunin var unnin af sveitarstjóra, fjármálastjóra og hreppsráði. Fundað var sérstaklega með deildarstjórum.
Fyrir hönd Vopnafjarðarhrepps,
Sara Elísabet Svansdóttir
Helstu forsendur#helstu-forsendur
Skatttekjur
Skatttekjur samanstanda af útsvari, fasteignasköttum og framlögum frá Jöfnunarsjóði. Í fjárhagsáætlun fyrir árið 2024 er gert ráð fyrir að þær nemi 959 millj.kr. samanborið við 877 millj.kr. á árinu 2023 samkvæmt útkomuspá. Hækkunin á milli ára skýrist að mestu af 8,6% hækkun á fasteignaskatti auk álags í A hluta og um 19% hækkun á framlögum frá Jöfnunarsjóði.
Útsvar
Álagningarprósenta útsvars á árinu 2024 verður 14.74%. Áætlaðar útsvarstekjur á árinu 2024 nema um 520 millj. kr., á móti 472 millj. kr. á árinu 2023 skv. útkomuspá. Útsvarstekjur hækka um 10% á árinu 2024 miðað við útkomuspá ársins 2023.
Fasteignagjöld
Tímabundið álag sem sett var á 2022 helst áfram óbreytt á fasteignaskatt á íbúðarhúsnæði og bújarðir árið 2024 og verður það 0,625% af heildarfasteignamati.
- Fasteignaskattur A á íbúðarhúsnæði og bújarðir verður 0,625% af heildarfasteignamati.
- Fasteignaskattur B á sjúkrastofnanir, skóla, heimavistir, leikskóla, íþróttahús og bókasöfn verður 1,32% af heildarfasteignamati.
- Fasteignaskattur C á atvinnuhúsnæði og annað húsnæði er 1,65% af heildarfasteignamati.
- Lóðaleiga er 2% af lóðarhlutamati.
- Fráveitugjald 0,32% af heildarfasteignamati.
- Vatnsgjald er 0,3% af fasteignamati húss.
Sorphirðugjald er innheimt skv. lögum nr. 81/1988
Á árinu 2024 verður gjaldið 47.926 kr. sem skiptist í sorphirðugjald 25.718 kr og sorpeyðingargjald 22.208 kr.
Jöfnunarsjóður
Tekjur sveitarfélagsins frá Jöfnunarsjóði hækka um 19% á milli ára, úr 266 millj.kr. í 316 millj.kr.
Framlög úr jöfnunarsjóði | 2023 | 2024 |
|---|---|---|
Útgjaldajöfnunarframlag | 112.879.574 | 134.811.578 |
Framlag v/ fasteignaskatts | 82.675.730 | 96.813.985 |
Samþættingarframlag | 2.266.395 | |
Grunnskólaframlag | 64.341.115 | 79.803.357 |
Framlag v/sérþarfa fatlaðra | 1.200.000 | 1.350.262 |
Íslenska sem annað tungumál | 2.720.000 | 3.715.542 |
Framlag v/nýbúafræðslu | ||
Framlag til tónlistarnáms | ||
Samtals | 266.082.814 | 316.494.724 |
Laun og launatengd gjöld
Launaáætlun byggist á gildandi kjarasamningum, fjölda stöðugilda og fjölda yfirvinnutíma.
Annar rekstrarkostnaður
Annar rekstrarkostnaður án afskrifta nemur um 461 millj. kr. á árinu 2024 í samstæðu A og B hluta. Þar af 373 millj. kr. hjá A hluta. Helstu frávik eða nýmæli (ný verkefni) frá hefðbundnum rekstrarkostnaði eru:
- Sumarfrístund
- Frístundastyrkur hækkar úr 20.000 kr í 40.000 kr
- Haldið verður áfram með endurskoðun á aðalskipulagi sveitarfélagsins
- Deiliskipulag miðbæjarins
- Deiliskipulag Holta- og Skálaneshverfis klárast
Fjármagnsliðir
Í forsendum fjárhagsáætlunar er verðbólga áætluð 4,9% á árinu 2024. Greiddir vextir miðast við þá lánasamninga sem þegar hafa verið gerðir. Ekki er gert ráð fyrir breytingum á gengi íslensku krónunnar á tímabilinu.
Lykiltölur samstæðu A og B hluta
Efnahagur Vopnafjarðarhrepps er í heildina litið heilbrigður. Rekstarniðurstaða í A- og B- hluta er áætluð um 135 Mkr árið 2024 fyrir utan fjármagnsgjöld og fjárfestingar.
Áætluð fjármagnsgjöld eru 53 Mkr árið 2024.
Veltufé frá rekstri er áætlað 259 Mkr.
Skuldaþol og greiðsluhæfi er ásættanlegt. Skuldahlutfall sveitarfélagsins í dag er 66% og því vel innan þeirra 150 % marka sem lög kveða á um.
Framkvæmdir og fjárfestingar ársins
Framkvæmdir 2025 | Áætluð upphæð | |
|---|---|---|
Ráðhús | Setja gler í afgreiðslulúgu | 200 |
Íþróttahús | Exit ljós, rimlar í sal, þétta útihurðir | 250 |
Selárlaug | Bráðaviðhald þar sem stórar framkvæmdir liggja fyrir | 300 |
Félagsheimili | Tilfallandi viðhald | 550 |
Kaupvangur | Tilfallandi viðhald | 300 |
Sundabúð | Málningarvinna og tilfallandi viðhald | 500.000 |
Vopnafjarðarskóli | Skipta út þakskrúfum á tengibyggingu og endurnýjun ljósa | 1.000.000 |
Brekkubær | Loftræsting/plata í eldhús og tilfallandi viðhald | 500.000 |
Félagslegar íbúðir (allar) | Tilfallandi viðhald | 1.000.000 |
Slökkvistöð | Tilfallandi viðhald | 500.000 |
Áhaldahús | Ljós í sal og ljós í gáma | 900.000 |
Frístund | Hljóðvist, innanstokksmunir og tilfallandi viðhald | 800 |
Höfnin | Viðhald á bryggju | 500 |
Lyfsala | Tölvu- og tækjakaup | 300 |
Félagsmiðstöð | Tilfallandi viðhald | 450 |
Samtals | 8.050.000 |
Fjárfestingar 2025 | Áætluð upphæð | |
|---|---|---|
Aðalskipulag | Endurskoðun á aðalskipulagi | 5.000.000 |
Fræðslumál: | ||
Brekkubær | Frágangur á baklóð | 1.500.000 |
Vopnafjarðarskóli | Áfangi 2 í nýrri skólalóð, viðhald á húsnæði og hönnun á nýju þaki í gamla skólann | 12.000.000 |
Æskulýðs- og íþróttamál: | ||
Sundlaug | Endurgera þjónustuhús við sundlaug - dreift á tvö ár | 60.000.000 |
Íþróttahús | Endurnýja sturtuklefa, rafræn opnun á hurðar og endurnýjun á saunaklefa | 7.000.000 |
Félagsheimili | Varmadæla í salinn í Miklagarði | 3.000.000 |
Samgöngur: | ||
Opin svæði | Gúmmí hellur á leikvöllinn í Holtunum | 2.000.000 |
Gangstéttir | Gangstéttir við Hamrahlíð og Miðbraut | 18.000.000 |
Götulýsing | Endurnýja götuljós í LED eftir þörfum | 500 |
Vatnsveita | Úttekt og hönnun á nýrri vatnslögn | 3.000.000 |
Kaupvangur | Þétta þakglugga og skoða aðra glugga | 2.000.000 |
Sundabúð - fasteign | Endurbæta íbúðir á legudeild og vatnslagnir | 3.000.000 |
Íbúðir aldraðra í Sundabúð alls | Viðhald í Sundabúð og rafmagnsopnun í útidyrahurð. Hönnun á nýbyggingu og deiliskipulag | 6.000.000 |
Slökkvilið | Búnaður vegna slökkviliðs | 3.000.000 |
Áhaldahús | Sláttutraktor | 2.500.000 |
Áhaldahús | Endurnýjun á glugga og þakkanti | 8.000.000 |
Lyfsalan | Nýtt tölvukerfi | 3.500.000 |
Höfnin | Lenging á hafnarkanti | 100.000.000 |
Samtals | 240.000.000 |
Fjárfestingar ársins 2024 eru áætlaðar 276 millj.kr.
A hluti: 149.816.000 B hluti: 126.500.00
Æskulýðs- og íþróttamál
Lagðar verða til 62 millj.kr og þar verður farið í endurnýjun á Selárlaug, endurnýjun á sturtuklefum í íþróttahúsi og verður fjármagni ráðstafað í hönnun á viðbyggingu við íþróttahús vegna líkamsræktar og einn heitur pottur settur við íþróttahúsið. Einnig verður íþróttasalurinn, hol og gangur málað en það er hluti af viðhaldskostnaði og fer inn í reksturinn. Félagsheimilið verður málað að innan og ljósabúnaður endurnýjaður.
Fræðslumál
Lagðar eru til 18 millj.kr sem fara í að halda áfram að bæta hljóðvist í leikskóla og útskiptingu á gólfefni á ungbarnasvæði. Í skólanum verður farið í bætta hljóðvist og endurnýjun á ljósum og skólalóðin verður hönnuð og betrumbætt.
Samgöngur
Farið verður í endurbætur og malbikun á Miðbraut og hallanum að Hamrahlíð 5. Þar verður einnig haldið áfram að bæta göngustíga og skipta út ljósum yfir í LED ljós í götulýsingunni.
Sundabúð
Það verða settar 8 millj.kr í endurnýjun og bætta útiaðstöðu í Sundabúð. Einnig verða settar 5 millj.kr í að endurbæta íbúðir aldraðra sem losna og einnig verður eitthvað um málningar- og viðhaldsvinnu innanhúss.
Vatnsveitumál
Lagðar eru til 18,5 millj.kr til að leggja nýjar lagnir frá nýrri holu í Vesturárdal og setja upp dæluhús.
Höfnin
100 millj. kr verða settar í lengingu hafnarkants en sú framkvæmd er kostuð að hluta til af sveitarfélaginu og að hluta til af Vegagerðinni og skiptist kostnaðurinn 40/60 og dreifist á tvö ár. Gert er ráð fyrir að 100 milj. kr falli á árið 2024 og 100 milj. kr 2025.