Nýsirkussýning undir berum himni
– fyrir fólk á öllum aldri
UM SÝNINGUNA
Allra veðra von er nýjasta sirkussýning Hringleiks – myndræn og hrífandi sýning fyrir áhorfendur á breiðum aldri óháð tungumáli. Spennandi akróbatík, áhætta, grín og glens, ljóðrænar myndir og magnaðir loftfimleikar flétta saman sögur af mönnum og veðri.
„Dásamlega falleg sýning sem öll fjölskyldan getur notið í sameiningu. Alíslenskur nýsirkus er að springa út!“ – Vigdís Jakobsdóttir, listrænn stjórnandi Listahátíðar í Reykjavík
„Að vera með öndina í hálsinum af spennu vegna ótrúlegra áhættuatriða og finna svo létti, gleði og undrun þegar sirkuslistamennirnir lenda aftur á jörðinni.“ – Álfrún Helga Örnólfsdóttir, leikkona
Hringleikur frumsýndi Allra veðra von í Tjarnarbíói í vor og sýnir verkið utandyra víðsvegar um landið í allt sumar.
Allra veðra von hlaut Grímuverðlaunin fyrir dans- og sviðshreyfingar ársins 2021.
Mikilvægar upplýsingar#mikilvaegar-upplysingar
Klæðum okkur eftir veðri, þá njótum við sýningarinnar sem best!
• Gott er að taka með setu eða teppi og annað sem getur stuðlað að notalegri upplifun
• Við mælum með að mæta um 15 mínútum áður en sýning hefst
• Ef breytingar verða vegna óviðráðanlegra aðstæðna verða upplýsingar sendar í tölvupósti til miðahafa
• Við hvetjum áhugasama til að skrá sig á póstlista Hringleiks og fylgjast með sirkusferðalaginu á instagram.com/hringleikur og facebook.com/hringleikur