Fundur nr. 52
Kjörtímabilið 2018—2022
Mætt til fundar
Fundur haldinn í sveitarstjórn Vopnafjarðarhrepps 24.6.2021 í Miklagarði kl. 14:00.
1. Fundargerðir#1-fundargerdir
- Stjórnarfundur Héraðsskjalasafn Austfirðinga 20.5
Lagt fram til kynningar.
- Hreppsráð 2.6a. Vesturdalsá – drög að leigusamningi
Lögð fram drög að samningi við Veiðifélag Vesturdalsár vegna afnota af vatni úr Arnarvatni til vatnsmiðlunar í Vesturdalsá. Afgreiðslu frestað til næsta sveitarstjórnarfundar. Sveitarstjóra falið að vinna málið áfram. Samþykkt samhljóða.
Að öðru leyti er fundargerðin lögð fram til kynningar. - Hafnarnefnd 4.6
Lagt fram til kynningar.
- 162.fundur Heilbrigðisnefndar Austurlands
Lagt fram til kynningar.
- Fræðslunefnd 8.6.
Fundargerð fræðslunefndar frá 8.6. lögð fram til kynningar.
- 898. fundur stjórnar Sambands íslenskra sveitarfélaga 28.5
Lagt fram til kynningar.
- 899. fundur stjórnar Sambands íslenskra sveitarfélaga 11.6
Lagt fram til kynningar.
- Skipulags – og umhverfisnefnd 21.6
a. Deiliskipulag miðhluta hafnarsvæðis Vopnafirði – vinnslutillaga
Gunnar Ágústsson hjá Yrki arkitektum kom inn á fund í gegnum fjarfundarbúnað og kynnti drög að breytingu á deiliskipulagi fyrir miðhluta hafnarsvæðis. Sveitarstjórn samþykkir að vinnslutillagan verði auglýst og kynnt og óskar eftir nánari kynningu á framkvæmdinni frá Brim. Samþykkt samhljóða.
b. Ytri Hlíð – umsókn um framkvæmdaleyfi til vegagerðar
Fyrir liggur umsókn um framkvæmdaleyfi til vegagerðar að veiðihúsi í Ytri Hlíð. Sveitarstjórn heimilar bygginga- og skipulagsfulltrúa að gefa út framkvæmdaleyfi vegna lagningu vegar að veiðihúsi í Ytri Hlíð þegar deiliskipulag hefur verið staðfest og fullnægjandi gögn hafa borist. Samþykkt með sex atkvæðum. Bjartur Aðalbjörnsson situr hjá.c. Deiliskipulag Ytri Hlíðar – bréf frá Skipulagsstofnun
Lagt fram bréf frá Skipulagsstofnun vegna deiliskipulags Ytri Hlíðar þar sem gerðar eru athugasemdir við gögnin. Jafnframt liggja fyrir endurbætt gögn frá skipulagsráðgjafa. Sveitarstjórn samþykkir uppfærða tillögu. Samþykkt með sex atkvæðum. Bjartur Aðalbjörnsson situr hjá.
2. Almenn mál#2-almenn-mal
- Sundlaugin Selárdal – frumkostagreining
Lögð fram frumkostagreining vegna sundlaugar í byggðarlaginu og tillaga og kostnaðaráætlun vegna endurbóta á sundlauginni í Selárdal frá Yrki arkitektum. Samkvæmt forkostnaðargreiningu Yrkis myndi innisundlaug við íþróttahús kosta 507.150.000 kr, innisundlaug uppi á íþróttasvæði kosta 775.995.000 kr og endurbætur á Selárlaug kosta 79.152.132 kr. Hugmyndirnar verða kynntar nánar fyrir íbúum á íbúafundi vegna skipulagsmála í ágúst næstkomandi. Lagt fram til kynningar.
- Viðaukar 2021
Viðauki 2 við fjárhagsáætlun 2021 lagður fram. Viðauki 2 hefur þau rekstrarlegu áhrif að breyting á rekstri er jákvæð um 13,1 m.kr. þar af er reiknaður söluhagnaður 16,2 m.kr. Nettó fjárfesting lækkar um 9,3 m. kr. Söluverð eigna er 19,0 m.kr. og uppgreiðsla lána 3,6 m.kr. Samtals breyting á handbæru fé vegna viðauka 2 er því jákvæð um 21,6 m.kr. Samþykkt samhljóða.
- Kjör í hreppsráð 2021 – 2022
Í hreppsráð 2021 – 2022 eru tilnefnd Sigríður Bragadóttir, Teitur Helgason og Bjartur Aðalbjörnsson sem aðalmenn og Axel Örn Sveinbjörnsson, Ragna Lind Guðmundsdóttir og Björn Heiðar Sigurbjörnsson sem varamenn. Samþykkt samhljóða.
Sigríður Bragadóttir er tilnefnd sem formaður hreppsráðs. Samþykkt með atkvæðum meirihlutans. Minnihlutinn situr hjá.
Teitur Helgason er tilnefndur sem varaformaður hreppsráðs. Samþykkt með atkvæðum meirihlutans. Minnihlutinn situr hjá.
- Reglur um refa- og minkaveiði 2021
Uppfærðar reglur um refa- og minkaveiði lagðar fram. Sveitarstjórn samþykkir reglurnar.
- Vöffluhúsið Vopnafirði, Hafnarbyggð 4a – umsögn vegna rekstarleyfis
Fyrir liggur umsagnarbeiðni frá Sýslumanninum á Austurlandi vegna umsóknar um rekstrarleyfi til veitingu veitinga, frá Vöffluhúsinu Vopnafirði. Umsækjandi og forsvarsmaður er Jóhanna Thorsteinson.
Fyrir liggur jákvæð umsögn byggingarfulltrúa og Heilbrigðiseftirlits Austurlands.
Eftirfarandi tillaga lögð fram: Með vísan til 4. mgr. 10.gr. laga nr. 85/2007 um veitingastaði, gististaði og skemmtanahald, veitir sveitarstjórn jákvæða umsögn og staðfestir jafnframt að staðsetning staðar sem umsóknin lýtur að, sé innan þeirra marka sem reglur og skipulag sveitarfélagsins segir til um.
Sveitarstjórn bendir á að lögreglan, Eldvarnareftirlitið og Vinnueftirlitið skila sínum umsögnum beint til sýslumanns. Samþykkt samhljóða.
3. Bréf til sveitarstjórnar#3-bref-til-sveitarstjornar
- Bréf frá forsætisráðherra og formanni sambandsins – Forvarnir meðal barna og ungmenna gegn kynferðislegu og kynbundnu ofbeldi og áreitni
Lagt fram til kynningar.
- Bréf frá Jónsveri ses
Bréf um rekstur Jónsvers ses lagt fram. Sveitarstjórn tekur vel í erindi Jónsvers um að tryggja áframhaldandi rekstur félagsins og sveitarstjóra falið að vinna málið áfram með stjórn Jónsvers. Samþykkt samhljóða.
- Bréf frá eftirlitsnefnd sveitarfélaga 14.6
Bréf frá eftirlitsnefnd sveitarfélaga frá 14.júní síðastliðnum lagt fram. Sveitarstjóra falið að semja við ráðgjafa um greiningu á rekstri sveitarfélagsins. Samþykkt samhljóða.
4. Skýrsla sveitarstjóra#4-skrsla-sveitarstjora
- Skýrsla sveitarstjóra
Sveitarstjóri fór yfir verkefnin sín og svaraði spurningum sveitarstjórnar.
Fleira var ekki tekið fyrir og fundi slitið kl. 16:35.