Sveit­ar­stjórn

Ársreikningur Skólaskrifstofu Austurlands 2022 lagður fram til kynningar.

Eftirfarandi tillögur um slit á Skólaskrifstofunni lágu jafnframt fyrir aðalfundi Skólaskrifstofu Austurlands og voru samþykktar:

a)        Aðalfundur Skólaskrifstofu Austurlands samþykkir að slíta og gera upp A deild Skólaskrifstofu Austurlands frá og með 31.12. 2022.  Samþykkt er að miða uppgjör skuldbindinga A hluta skólaskrifstofu við íbúatölu aðildarsveitarfélaganna  í árslok 2022.  Eignir og skuldbindingar A hluta Skólaskrifstofu Austurlands taka mið af stöðu lífeyrisskuldbindingar við Lífeyrissjóð starfsmanna ríkisins, skammtímaeignir og handbært fé og fasteignamat fasteignar félagsins samkvæmt ársreikningi 31.12. 2022.  Áætluð skuldbinding til skipta er neikvæð um 31,1 milljón króna.  Endanleg niðurstaða skuldbindingarinnar fæst eftir að fasteign félagsins hefur verið seld og verður þá endanlega útfærð á grunni íbúafjölda í árslok 2022.   Jafnframt samþykkir aðalfundurinn að fasteign félagsins að Búðareyri 4 á Reyðarfirði verði seld.

b)        Aðalfundur Skólaskrifstofu Austurlands samþykkir að beina því til aðildarsveitarfélaganna að öllum rekstri byggðasamlagsins verði hætt í árslok 2023 og því slitið á grundvelli stöðu rekstrar og efnahags í árslok ársins 2023.  Í því felst að samstarf um rekstur þjónustusvæðis fatlaðs fólks á Austurlandi verður hætt frá og með 1.1. 2024 og aðildarsveitarfélögin taki við þjónustusvæðinu vegna þjónustu við fatlað fólk.   Uppgjör endanlegra slita byggðasamlagsins um Skólaskrifstofu Austurlands verður byggt á stöðu þess í árslok 2023 og gert verður sérstakt samkomulag um ráðstöfun eigna og skuldbindinga í því uppgjöri.

 Eftirfarandi tillaga liggur fyrir fundinum: Sveitarstjórn Vopnarðarhrepps samþykkir ofangreindar tillögur.

Tillagan er borin upp til samþykktar.

Samþykkt samhljóða.