Menn­ing­ar­mála­nefnd

Fundur nr. 16

Kjörtímabilið 2018—2022

16. apríl 2020

Teams kl. 09:20

1. Almenn mál#1-almenn-mal

  • 1. Umræða um áherslu­verk­efni Sókn­aráætl­unar Aust­ur­lands 2020, jaðar­s­verk­efni í menn­ingu.

    Erindinu var vísað til menningarmálanefndar frá Hreppsráði og nefndinni, ásamt verkefnastjóra frístunda-, æskulýðs- og fjölmenningarmála falið að vinna málið áfram með starfsmanni Austurbrúar og koma með útfærðar tillögur til hreppsráðs. Um er að ræða 500.000 króna styrk á ári til menningarmála en með móttöku á styrknum skuldbindur sveitarfélagið sig til að leggja sömu upphæð á móti til málefnisins.

    Rætt var um hvað fólk vildi helst sjá gert fyrir styrkinn.

  • Menningarstefna.
    Lítill áhugi var fyrir að nýta þennan styrk til þeirrar vinnu. En þó talið að það sé þarft verkefni.
  • Gestavinnustofur.
    Tekið jákvætt í hugmyndina. Talið mikilvægt að marka ákveðna stefnu með verkefnið og þá tengja Vopnafirði á einhvern hátt.
  • Verkefni sem tengjast börnum.
    Sammælst var um að mikilvægt væri að hlusta á unga fólkið sem kallar eftir frekari verkefnum og dægradvöl. Ýmsar hugmyndir komu upp í tengslum við það, þær helstu eru eftirfarandi.
  • Samvinnu við vinnuskóla, félagsmiðstöð og leikjanámskeið.
    Undanfarin ár hafa verið haldin leikjanámskeið með góðum árangri. Hægt væri að nýta styrkinn til þess að halda úti námskeiði með áherslur á list, menningu og menningarafleið.
  • Listasmiðjur
    Fyrir nokkrum árum voru listasmiðjur í tengslum við Vopnaskak sem gáfu ágætis raun. Umræða hefur verið um að gera listaverk á veggi innan sveitafélagsins sem gæti gefið góða raun.
  • Tenging við Bras, Barna og menningarhátíð, Þjóðleik eða önnur slík verkefni.

    Í fyrra tók félagsmiðstöðin þátt í Bras og mætti gera enn meira úr því í ár.
  • Uppsetning á leikriti
    Hugmynd kom upp um uppsetningu á leikriti þar sem börn og ungmenni gætu skráð sig í ákveðna þætti sem koma að slíku verkefni. Hægt væri þá að skrá sig í ákveðin verkefni eftir áhugasviði hvers og eins. Meðal annars væri þá hægt að skrá sig í leiklist, söng, sviðsmynd, tæknimál, auglýsingar og samfélagsmiðla, og fleira.
  • Dagar myrkurs
  • Útlit er fyrir að minna þurfi að gera úr Vopnaskaki í ár vegna samkomubanns og ástandsins í samfélaginu. Hugmynd hefur komið upp um að gera í staðinn meira úr Dögum myrkurs á haustmánuðum. Hægt væri að nýta styrkinn í verkefni sem gætu tengst inn í hátíðina þó að ekki sé mælst til að nýta styrkinn til kaupa á stökum tónleikum með frægum listamönnum.

    Ákveðið var að funda aftur þann 27. apríl og setja niður greinagerð um málið til skila til sveitastjórnar.