Fræðslunefnd

Mætt til fundar

EBK
Einar Björn Kristbergsson
Nefndarmaður
FSW
Freyja Sif Wiium
Nefndarmaður
SH
Sigurþóra Hauksdóttir
Nefndarmaður
HD
Hjörtur Davíðsson
Nefndarmaður
DB
Dorota Burba
Nefndarmaður
AB
Aðalbjörn Björnsson
Skólastjóri
SK
Sandra Konráðsdóttir
Leikskólastjóri
HÆ
Hrafnhildur Ævarsdóttir
Fulltrúi leikskólakennara

Fræðslunefndarfundur haldinn í Miklagarði þriðjudaginn 20. apríl 2021 klukkan 12:15.

Málefni grunnskólans#malefni-grunnskolans

Skóladagatal
Aðalbjörn fór yfir skóladagatal næsta árs. Skólasetning verður 20. ágúst og skólaslit 31. maí. Venja hefur verið fyrir frídegi í kringum 1. maí en það er í skoðun. Skóladagatal samþykkt af nefndarmönnum.
Árshátíð
Aðalbjörn nefndi að í ljósi aðstæðna verður Árshátíð skólans ekki með venjulegu sniði. Ræddi hann möguleikann á því að henni verði skipt niður svo foreldrar geti séð atriði síns barns, einnig rætt um möguleikann að taka atriðin upp um leið og þau verða tilbúin og send út á netinu fyrir lokaða hópa og svo eytt út eftir sýningu. En eins og staðan er í dag er allt opið og verður fylgst með og farið eftir sóttvarnarreglum.
Skólaslit
Skólaslit verða líklega með sama sniði og síðasta ár, 10. Bekkur útskrifast með sér athöfn.
Starfsmannahald
Fyrir næsta skólaár mun einn kennari hætta og tveir eru á leið í barneignaleyfi auk þess er einn skólaliði nýfarinn í barneignafleyfi.
Ljóst er að það vantar handavinnukennara fyrir næsta skólaár, mögulega verður sú stað auglýst eða einhver starfandi kennari tekur það að sér.
Eins og staðan er í dag þá fækkar nemendum um 9 næsta ár, og það verður enginn nemandi í fyrsta bekk.
Mötuneyti
Á döfinni er að rekstur mötuneytis færist úr rekstri skólans til verktaka.
Skólaakstur
Rætt var um skólaakstur leikskólabarna og gengur það bara mjög vel, í dag eru tvö börn sem nýta sér þá þjónustu.
Aðrar ferðir nemenda
Aðalbjörn ætlar að leggja til að vissar ferðir t.d. skíðaferð og fleiri verði settar inn í rekstur skólans.

Málefni leikskólans#malefni-leikskolans

Starfsdagur í maí
Sandra óskaði eftir heimild til þess að fresta starfsdegi sem átti að vera 14. Maí ,daginn á að nota í ferð til Húsavíkur til að kynna sér starfsemi leikskólanna þar og einnig á að kynna sér stefnuna „ Jákvæður agi, heimildin verður nýtt ef sóttvarnarreglur koma í veg fyrir það að hægt verði að fara ferðina á fyrirhuguðum degi.
Nefndarmenn samþykkja ef reglurnar verða þannig.
Jákvæður agi
„Jákvæður Agi“ námskeið rætt og einnig kom upp sú hugmynd að gott væri að kynna það einnig fyrir foreldrum og grunnskólakennurum.
Bréf um breytilegt sumarfrí
Fræðslunefnd barst bréf um að sumarfrí yrðu breytilegri en viku tilfærsla sem er núna.
Tillögurnar voru;
1.„Tveggja vikna lokun og foreldrar velja vikur sitthvoru megin við þessar tvær vikur."
2."Aukinn breytileiki. Lokun á meðan á sumarleyfi stendur, en sumarleyfi „rúllar" milli þriggja tímabila á þremur árum. Frá byrjun Júní, þá næst frá lok júní fram í lok júlí, síðast frá lok júlí fram í miðjan ágúst." Vísað er í grein um sumarleyfi hjá Akureyrabæ t.d. )
3.„Lokun í fjórar vikur. Hvaða leið sem yrði farin , þá væri aðeins lokað í fjórar vikur. Þó væri gott að hafa ákveðinn hvata til að taka auka viku. Fimmta vikan yrði þá gjaldfrjáls ef hún yrði tekin öðru hvoru megin við lokunina".

Sandra nefnir vandkvæði sem þarf að hafa í huga við athugun þessa máls:
Meðal annars þá hefur orlofsdögum starfsmanna fjölgað og nú eiga allir strafsmenn 30 daga í orlof og með því að stytta sumarlokun í 4 vikur þá bætast samtals 180 dagar við í orlof. Þá þarf fleiri til að leysa af og þá myndi aðlögun nýrra barna ekki byrja fyrr en i september.Það sé því ljóst að ef fríið er stytt þá fylgir því aukinn kostnaður.
Fræðslunefnd telur að ekki sé hægt að breyta fyrirkomulaginu á þessu ári en leggur til að möguleg breyting á fyrirkomulaginu fyrir næsta ár verði skoðuð af sveitarstjóra í samráði við leikskólastjórnendur strax í haust.

Fleira ekki tekið fyrir og fundi slitið klukkan 13:45.